МД ТОП компани олон улсын ISO 9001, ISO 45001 стандартын гэрчилгээг AFNOR байгууллагаас гардан авлаа

Барилгын салбарын чанар, аюулгүй ажиллагаа, тогтвортой хөгжлийн зарчмыг үйл ажиллагааныхаа үндсэн үнэт зүйл болгон хэрэгжүүлдэг МД ТОП компани Франц улсад төвтэй олон улсын нэр хүнд бүхий AFNOR Group байгууллагаас ISO 9001:2015 Чанарын удирдлагын тогтолцоо болон ISO 45001:2018 Хөдөлмөрийн аюулгүй байдал, эрүүл ахуйн удирдлагын тогтолцооны гэрчилгээг албан ёсоор гардан авлаа.

Энэхүү гэрчилгээ нь байгууллагын үйл ажиллагаа олон улсын стандартын шаардлагад нийцэж байгааг баталгаажуулахаас гадна чанарын удирдлага, хэрэглэгчийн сэтгэл ханамж

, хөдөлмөрийн аюулгүй байдал, ажилтнуудын эрүүл мэндийг хамгаалах тогтолцоог үр дүнтэй хэрэгжүүлж буйг үнэлсэн чухал баталгаа болж байна.

AFNOR Group нь Франц улсын үндэсний стандартчиллын тогтолцоонд суурилсан, дэлхийн олон оронд стандартчилал, аудит, гэрчилгээжүүлэлтийн үйлчилгээ үзүүлдэг олон улсын байгууллага юм. Тус байгууллагын гэрчилгээ нь байгууллагын засаглал, үйл ажиллагааны үр ашиг, чанарын удирдлага, хариуцлагатай менежмент болон олон улсын түвшний өрсөлдөх чадварыг илэрхийлдэг өндөр ач холбогдолтой үнэлгээд тооцогддог.

МД ТОП компанийн хувьд энэхүү амжилт нь бүтээн байгуулалтын бүхий л үе шатанд чанар, аюулгүй ажиллагааг тэргүүн зорилт болгон ажиллаж ирсний бодит үр дүн бөгөөд хэрэглэгч, хөрөнгө оруулагч, хамтран ажиллагч байгууллагуудын итгэлийг улам бататгасан онцлох үйл явдал болж байна.

Түүнчлэн компанийн хэрэгжүүлж буй төсөл, бүтээн байгуулалтын үйл ажиллагаанд олон улсын стандарт, дэвшилтэт менежментийн тогтолцоог нэвтрүүлж, чанарын хяналт, эрсдэлийн удирдлага, хөдөлмөрийн аюулгүй байдлыг тасралтгүй сайжруулан ажиллаж байгааг энэхүү гэрчилгээ баталгаажуулж байна.

МД ТОП компани цаашид ч олон улсын стандартад нийцсэн менежментийн тогтолцоог тогтвортой хөгжүүлж, чанартай бүтээн байгуулалт, аюулгүй ажлын орчин, хариуцлагатай үйл ажиллагаагаар салбартаа үлгэр жишээ байгууллага байх зорилгоо тууштай хэрэгжүүлэн ажиллах болно.

Learn More